Ulaanbaatar
Монгол Улс, Япон Улсын ГХЯ-д хоорондын Консулын анхдугаар зөвлөлдөх уулзалт боллоо
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Монгол Улс, Япон Улсын ГХЯ-д хоорондын Консулын анхдугаар зөвлөлдөх уулзалт 2022 оны 10 дугаар сарын 13-ны өдөр цахим хэлбэрээр зохион байгуулагдлаа.
Консулын зөвлөлдөх уулзалтыг монголын талаас ГХЯ-ны Консулын газрын захирал Б.Болд, японы талаас Япон Улсын ГХЯ-ны Консулын газрын дарга Андо Тошихидэ нар тэргүүлж оролцов.
Зөвлөлдөх уулзалтын үеэр талууд коронавируст цар тахлын үеийн үйл ажиллагаа, иргэд зорчих нөхцөлийг хөнгөвчлөх, хоёр талын иргэдийн хууль ёсны эрх ашгийг хамгаалах, хууль зүйн болон нийгмийн хамгааллын салбарын хамтын ажиллагаа зэрэг асуудлаар дэлгэрэнгүй санал солилцов.
