Ulaanbaatar
ААШТ-ийг сурвалжлах багийнхан замдаа гарчээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Казахстаны Астана хотод энэ сарын 9-14-нд чөлөөт бөх, сонгомол барилдааны Азийн аварга шалгаруулах тэмцээн болно. Дэлхийн бөхийн нэгдсэн холбооноос энэхүү тэмцээнийг Парис-2024 олимпын наадмын урьдчилсан циклийн эхлэл гэж зарласан ч олимпын эрхийн талаар дурдаагүй.
Харин Белградад болох ДАШТ-ээс олимпод оролцох эрх өгнө гэж онцолсон. Тэгэхээр Азийн аваргад оролцсон бөхчүүдийнхээ тоогоор ирэх намрын
ДАШТ-д оролцоно гэсэн үг юм.
Монголын
Спортын Сэтгүүлчдийн Холбооны (MSPU) гишүүд "Астана 2023" чөлөөт бөхийн
ААШТ-ийг сурвалжлахаар өнөөдөр аян замдаа гарлаа. Багийн бүрэлдэхүүнд Холбооны Удирдах зөвлөлийн гишүүн
Д.Нямбилэг, холбооны гишүүн Д.Байгал нарын хүмүүс явж байна. Д.Нямбилэг нь
Токио зуны олимп, Бээжин-2022 өвлийн олимп, Жакарта-2018 Азийн наадам, Осло
-2021, Белград-2022 чөлөөт бөхийн ДАШТ, Ташкент-2022 жүдо бөхийн ДАШТ-ийг
сурвалжилсан туршлагатай.
МССХ-ны
гишүүд энэ төмөр
хүлгээрээ 2022 онд
жүдо бөхийн ДАШТ-ийг Узбекистаны Ташкентад сурвалжлахаар
очиж байсан юм.
