Ulaanbaatar
Ойрын хоёр өдөр ихэнх нутгаар сэрүүхэн байна
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Цаг уур, орчны шинжилгээний газрын мэдээлснээр, ойрын хоёр хоногтоо ихэнх нутгаар сэрүүхэн байна.
2023 оны 5 дугаар сарын 5-9-нийг хүртэлх цаг агаарын урьдчилсан төлөв танилцуулж байна.
Энэ сарын 5-нд
баруун, төв, зүүн аймгуудын нутгийн зарим газраар, 6-нд баруун аймгуудын ихэнх
нутаг, төвийн аймгуудын нутгийн баруун хэсгээр, 7-нд баруун аймгуудын нутгийн
зарим газар, төвийн аймгуудын нутгийн баруун хэсэг, говийн аймгуудын ихэнх
нутгаар, 8-нд нутгийн зарим газраар бороо, нойтон цас орно.
Салхи 5-нд говь, талын нутгаар секундэд 12-14 метр хүрч
ширүүсэж, зөөлөн шороон шуурга шуурна. Увс нуур болон Дархадын хотгор, Алтай,
Хөвсгөлийн уулархаг нутаг, Завхан голын эх, Хүрэнбэлчир орчим, Тэс голын
хөндийгөөр шөнөдөө -8-13 градус хүйтэн, өдөртөө 0+5 градус дулаан, Хангай,
Хэнтийн уулархаг нутаг, Идэр, Эг Үүр, Туул, Тэрэлж голын хөндийгөөр шөнөдөө -2-7
градус хүйтэн, өдөртөө +5+10 градус дулаан, Хангайн нурууны өвөр бэл, говийн
бүс нутгийн хойд хэсгээр шөнөдөө +2+7 градус, өдөртөө +12+17 градус, говийн бүс
нутгийн өмнөд хэсгээр шөнөдөө +7+12 градус, өдөртөө +16+21 градус дулаан, бусад
нутгаар шөнөдөө -2+3 градус, өдөртөө +6+11 градус дулаан байна.
