Ulaanbaatar
Маргаашнаас эхлэн ихэнх нутгаар нойтон цас орно
МОНГОЛЫН МЭДЭЭМаргаашнаас эхлэн ихэнх нутгаар нойтон цас орж, зарим нутгаар агаарын хэм хасах градус руу орно гэж ус цаг уурын байгууллагаас мэдээллээ.
Тодруулбал, энэ сарын 25-нд ихэнх нутгаар, 26-нд нутгийн зүүн хагаст, 27-нд баруун аймгуудын өмнөд, төв болон зүүн аймгуудын хойд хэсгээр, 28-нд зүүн аймгуудын нутгаар хур тунадас, нойтон цас орох урьдчилсан мэдээ гарсан байна.
Мөн салхи 25-нд ихэнх нутгаар, 26-нд говь талын нутгаар, 27-28-нд зарим газраар секундэд 14-16 метр хүрч, шороон болон цасан шуурга шуурах нь.
Хүйтэрч Алтай, Хангай, Хөвсгөл, Хэнтийн уулархаг нутгаар шөнөдөө 1-6 градус хүйтэн, говийн бүс нутгийн өмнөд хэсгээр шөнөдөө 5-10 градус, өдөртөө 13-18 градус дулаан, бусад нутгаар шөнөдөө 3 градус хүйтнээс 2 градус дулаан байх ба цочир хүйтрэх аж.
Б.Туул
Гэрэл зургийг Т.Чимгээ
