Ulaanbaatar
ӨМНӨГОВЬ: Залууст эх оронч үзэл суртлыг сурталчлан таниулж төлөвшүүлнэ
ОРОН НУТГИЙН МЭДЭЭ | ӨМНӨГОВЬ
Даланзадгад, 2024 оны гуравдугаар сарын 10 /МОНЦАМЭ/. ЕБС-ийн төгсөх ангийн сурагчдын дунд цэрэг, эх оронч үзлийг олгох, төлөвшүүлэх, мэргэжил сонголтод дэмжлэг үзүүлэх зорилгоор “Эх орны ирээдүйн эзэд” сэдэвт өдөрлөгийг гуравдугаар сарын 7-ны өдөр зохион байгуулж, Даланзадгад сумын зургаан сургуулийн төгсөх ангийн 120 сурагч оролцлоо.
Өдөрлөгийг Өмнөговь аймгийн ЗДТГ-аас санаачлан Батмөнх Даян
хааны мэндэлсний 560 жил, Монгол цэргийн өдөр, Халх голын дайны ялалтын 85
жилийн ойн хүрээнд
зохион байгуулж байгаагаараа онцлогтой.
Тус үйл ажиллагаанд хамрагдсан сурагчид эх орон, иргэдийнхээ халдашгүй дархан байдлыг сахин хамгаалдаг цэргийн хүрээний байгууллагууд болох Зэвсэгт хүчний 167 дугаар анги, Хилийн цэргийн 0131 дүгээр анги, Өмнөд бүсийн төв Өмнөговь аймгийн Онцгой байдлын газар, Цагдаагийн газруудын үйл ажиллагаа, албаны онцлогтой танилцсан юм.
Сурагчдад офицер, ахлагч нар үндэсний аюулгүй байдал, тусгаар тогтнолын сэдвээр мэдээлэл өгч, харилцан ярилцлага өрнүүлжээ.
