Ulaanbaatar
Ахмадын ДАШТ-ээс алт, мөнгө, хүрэл медаль хүртлээ
МОНГОЛЫН МЭДЭЭ | СПОРТ
Улаанбаатар, 2024 оны арваннэгдүгээр сарын 5 /МОНЦАМЭ/. Жүдо бөхийн Гранд мастерс буюу ахмадын дэлхийн аварга шалгаруулах тэмцээн АНУ-ын Лас Вегас хотод эхэллээ.
Өчигдөр эхэлсэн тус тэмцээнд 62 орны 1200 гаруй тамирчин өрсөлдөж байгаа бөгөөд манай улсаас есөн насны ангилалд эрэгтэй 30, эмэгтэй 17 тамирчин өрсөлдөж байгаа юм.
Тэмцээний эхний өдөр манай тамирчдаас М6 буюу 55-59 насны ангиллын 60 кг-ын жинд Монголын хоёр тамирчин хоорондоо финалдаж, Х.Нямдорж алт, Г.Баатарсүрэн мөнгөн медаль хүртсэн байна. Түүнчлэн М9 буюу 70-аас дээш насны ангиллын 66 кг-д Л.Зандан хүрэл медалиар энгэрээ мялаажээ.
Тэмцээн энэ сарын
7-нд өндөрлөнө.
