Ulaanbaatar
Зарим аймгийн нутгаар салхи секундэд 24 метр хүрч ширүүснэ
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны хоёрдугаар сарын 5 /МОНЦАМЭ/. Ихэнх нутгаар өнөөдөр 8-20 цаг хүртэл үүлшинэ. Төв болон зүүн аймгуудын нутгийн зарим газраар цас орж, цасан шуурга шуурна. Бусад нутгаар цас орохгүй.
Салхи ихэнх нутгаар баруун хойноос секундэд 6-11 метр, өдөртөө нутгийн зарим газраар секундэд 18-20 метр хүрч ширүүсэж явган шуурга шуурна.
Увс нуур
болон Дархадын хотгор, Завхан голын эх, Тэс, Ерөө, Халх голын хөндий,
Дарьгангын тал нутгаар -22-27 градус, Говь-Алтай, Хангай, Хөвсгөл, Хэнтийн
уулархаг нутаг, Хүрэнбэлчир орчим, Идэр, Орхон, Сэлэнгэ, Хараа, Туул, Тэрэлж,
Хэрлэн, Онон, Улз голын хөндий, Дорнод-Монголын тал нутгаар -16-21 градус,
Алтайн өвөр говиор -2-7 градус, Хангайн нурууны өвөр бэл, цас багатай газраар
-6-11 градус, бусад нутгаар -12-17 градус хүйтэн байна.
Баянхонгор, Хөвсгөл, Булганы өмнөд, Төв аймгийн баруун хэсэг, Архангай,
Өвөрхангай, Дундговийн нутгаар салхи зарим үед секундэд 24
метр хүрч ширүүснэ.
Нутгийн зүүн хагаст ирэх өдрүүдэд цас орж, цасан шуурга шуурч, ихэнх
нутгаар хүчтэй салхитай, хүйтний эрч нэмж чангарахыг Цаг уур, орчны шинжилгээний газар онцгойлон анхаарууллаа.
