Ulaanbaatar
Авто, мото спортынхон шинэ удридлагаа сонгоно
МОНГОЛЫН МЭДЭЭ | СПОРТ
Улаанбаатар, 2025 оны гуравдугаар сарын 25 /МОНЦАМЭ/. Монголын автомашин, мотоциклын спортын холбоо Олон улсын автомашины холбоо (ФИА), Олон улсын мотоциклын холбооны (ФИМ) дүрэмд үндэслэн холбооны дүрмээ шинэчлэн батлаад буй.
Уг дүрэмд орсон томоохон өөрчлөлт болох МАМСХ-ны эрх барих дээд байгууллага нь Их хурал байхаар тогтоосон явдал юм. Тэгвэл энэ дагуу 2025 оны ээлжит их хурлаа ирэх сарын 10-нд зохион байгуулахаар товложээ.
Хурлаар холбооны дүрмийн шинэчлэл, ирэх дөрвөн жилийн
удирдлага болон спортын ирээдүйн чиг хандлагыг хэлэлцэх аж. Хуралд оролцогчдын
бүртгэл маргааш дуусах бөгөөд нийт 30 төлөөлөгч оруулах юм.
