Ulaanbaatar
Өвөрхангай, Төв, Дундговь аймгийн нутгаар хүчтэй шороон шуургатай
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны дөрөвдүгээр сарын 25 /МОНЦАМЭ/. Ихэнх нутгаар өнөөдөр 8-20 цаг хүртэл солигдмол үүлтэй. Баруун болон төвийн аймгуудын нутгийн зарим газар, зүүн аймгуудын нутгийн баруун хойд хэсгээр цас орж, цасан шуурга шуурна.
Баруун болон төвийн аймгуудын
ихэнх нутгаар баруун өмнөөс хойш эргэж, бусад нутгаар баруун өмнөөс салхи секундэд
6-11 метр, нутгийн зарим газраар секундэд 15-17 метр хүрч ширүүсэж шороон
шуурга шуурна.
Өвөрхангайн зүүн болон өмнөд, Төв
аймгийн баруун болон өмнөд хэсэг, Дундговь аймгийн нутгаар салхи секундэд 18-20
метр, зарим үед секундэд 24 метрийг давж салхилж, хүчтэй шороон шуургатай.
Дархадын хотгор, Завхан голын эх,
Хүрэнбэлчир орчмоор +1-+6 градус, Увс нуурын хотгор, Монгол-Алтай, Хангай,
Хөвсгөлийн уулархаг нутаг, Идэр, Тэс, Орхон, Сэлэнгэ, Хараа, Ерөө голын
хөндийгөөр +7-+12 градус, говийн бүс нутгийн өмнөд хэсгээр +20-+25 градус,
бусад нутгаар +13-+18 градус дулаан байна.
Говийн аймгуудын нутгийн хойд хэсгээр цас орж, цасан болон шороон шуурга
шуурахыг ЦУОШГ-аас онцгойлон анхааруулжээ.
