Ulaanbaatar
Барысын “Их дуулга”-д Монголоос 22 жүдоч зодоглоно
МОНГОЛЫН МЭДЭЭ | СПОРТ
Улаанбаатар, 2025 оны тавдугаар сарын 6 /МОНЦАМЭ/. Олон улсын жүдо бөхийн холбооноос зохион байгуулдаг “Их дуулга”-ын зургаа дахь цуврал тэмцээн Казахстаны Астана хотод энэ сарын 9-нд эхэлнэ.
Барысын “Их дуулга” нэрийн дор болох уг тэмцээнд одоогоор 47 орны 390 гаруй жүдоч зодоглохоор мэдүүлэг өгчээ. Харин манай улсаас шигшээ багийн дасгалжуулагч ахлах дасгалжуулагч У.Эрдэнэбаатар, дасгалжуулагч Ч.Болдбаатар, Г.Болдбаатар, Б.Хишигбаяр нарын удирдлага дор эрэгтэй 11, эмэгтэй 11 жүдоч барилдахаар Астанаг зорьж байна. Бүрэлдэхүүнд эрэгтэйчүүдээс 60 кг-д Б.Сүхбат, Б.Энэбиш, 66 кг-д Ө.Жанцандорж, Г.Хэрлэн, 73 кг-д Л.Анхзаяа, Б.Эрдэнэбаяр, 81 кг-д Г.Батсугар, 90 кг-д Б.Мөнхбаяр, -100 кг-д Б.Хүдэрчулуун, А.Энхбаяр, +100 кг-д Б.Гончигсүрэн нар багтжээ.
Харин эмэгтэйчүүдээс 48 кг-д Г.Наранцэцэг, 52 кг-д М.Нандин-Эрдэнэ, Б.Уранзаяа, 57 кг-д Т.Ариунзаяа, 63 кг-д Л.Энхрийлэн, Б.Ганхайч, 70 кг-д Б.Ням-Эрдэнэ, Д.Есүй, -78 кг-д А.Дуламсүрэн, Ж.Урангоо, +78 кг-д А.Амарсайхан нар зодоглох юм.
Энэхүү “Их дуулга”
нь ирэх сарын 13-нд Унгарын Будапешт хотод эхлэх насанд хүрэгчдийн ДАШТ-ий өмнө
болохоороо нцлогтой бөгөөд жүдочдын сорилго болж байгаа юм. Тэмцээний финалын
барилдааныг С1 телевиз эх орон даяар шууд дамжуулна.
