Ulaanbaatar
Өсвөрийн шатарчид улсын аваргаас мөнгөн медальтай ирлээ
ОРОН НУТГИЙН МЭДЭЭ | СЭЛЭНГЭ
Улаанбаатар хотноо зохиогдсон өсвөрийн улсын аварга шалгаруулах шатрын тэмцээнээс Сэлэнгийн “Орон нутаг” баг мөнгөн медальтай ирлээ.
Энэхүү Улсын аваргын тэмцээнд Монгол Улсын 21 аймаг, Улаанбаатар хотын 9 дүүргээс шигшигдэж шалгарсан нийт 808 шатарчид оролцсон байна. Өсвөрийн шатарчдын авхаалж, самбаа, оюун ухааны их өрсөлдөөн болсон тус тэмцээнээс Сэлэнгэ аймгийн баг 2-р байр “Орон нутаг” шалгарч мөнгөн медаль, цомын эзэд болжээ. Эл хүндэт шагналын эздээр охидын 8 насанд Д.Цэлмүүн 3-р байр, 12 насанд В.Амин-Эрдэнэ 4-р байр, 16 насанд Т.Номиндалай 4-р байр, 18 насанд Б.Эрдэнэхөлөг 2-р байрт шалгарч тодорсон байна. Ө.Бат-Очир дасгалжуулагчтай Сэлэнгийн тамирчид 29-үүлээ оролцсон бөгөөд маш сайн тоглож, 4.5-аас дээш буюу 50 хувиас давсан амжилтыг үзүүлжээ.
Ч.Отгонцэцэг
