Ulaanbaatar
Сурагч, эцэг эхчүүдийн дунд "Уншигчдын театр" уралдаан боллоо
ОРОН НУТГИЙН МЭДЭЭ | ТӨВ
Төв /МОНЦАМЭ/. Төв аймгийн дөрвөн сумын найман сургуулийн 1-5-аар ангийн 89 сурагч оролцсон “Уншигчдын театр” уралдаан хоёр дахь жилдээ амжилттай зохион байгуулагдлаа.
Энэ сарын 28-нд тохиох “Дэлхийн номын өдөр”-ийг угтан Дэлхийн зөн - ОНХХ, Номын сан, Боловсрол, Соёл, Урлагийн газартай хамтран “Номын сайн нөхөр сургууль, анги, хамт олныг дэмжих аян”-ы хүрээнд бага насны хүүхдийн унших чадварыг сайжруулах зорилгоор “Уншигчдын театр” уралдаан хоёр дахь жилдээ байгаа зохион байгуулагдлаа.
Уралдаанд Төв аймгийн Зуунмод сумын Хүмүүн цогцолбор, 4, 5-р сургууль, Батсүмбэр, Баянчандмань, Борнуур, Жаргалант зэрэг найман сургуулийн 1-5-р ангийн 89 сурагчид оролцсон бөгөөд 12 сурагч 12 шүлэг, үргэлжилсэн үгийн зохиолыг уран яруу уншсан бол 56 сурагч, 21 эцэг, эх 7 хүүхдийн уран зохиолын хэсгээс жүжигчилсэн тоглолт тоглон өрсөлдөв.
