Ulaanbaatar
“Хөх сувд” цэцэрлэгийн өргөтгөл ашиглалтад орлоо
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/ Мөрөн сумын анхны цэцэрлэг “Хөх сувд” цэцэрлэгийн өргөтгөл ашиглалтад орж гурван бүлэг шинээр нэмэгдэн 70 гаруй хүүхэд сургуулийн өмнөх боловсролын үйлчилгээнд хамрагдаж эхэллээ. “Хөх сувд” цэцэрлэг 1953 онд гурван гэрт 25 хүүхэд, таван ажилтантай үйл ажиллагаагаа эхэлж байсан бол эдүгээ 60 гаруй жилийн турш тасралтгүй ажиллаж 6 бүлэгт 280 гаруй хүүхдийг сурган хүмүүжүүлж байна.
2016 онд шинэ цэцэрлэгтээ болох хамт олон, эцэг эхчүүдийн хүсэлтийн дагуу Дэлхийн зөн олон улсын байгууллагын орон нутгийн хөгжлийн хөтөлбөрийн хамт олонд уламжилснаар санхүүжилтийн 50 хувь буюу 465 сая төгрөгийн хөрөнгийн эх үүсвэрийг бий болгож, 2017 оны орон нутгийн төсвөөс 300 сая төгрөгийг, 2018 оны орон нутгийн төсвөөс 141 гаруй сая төгрөгийг санхүүжүүлэхээр шийдвэрлэж өгснөөр нийт 900 сая төгрөгийн өртөгтэйгээр цэцэрлэгийн шинэ барилгын өргөтгөл ашиглалтад орлоо. Энэхүү цэцэрлэгийн өргөтгөл ашиглалтад орсноор гурван бүлэг нэмэгдэж, анги бүлгийн дүүргэлтийн тоо жигд болж, хамран сургах тойргийн цэцэрлэгт хамрагдаж чадахгүй байгаа 70 гаруй хүүхдийг сургуулийн өмнөх боловсролд хамруулах боломж бүрдлээ. Барилгын өргөтгөлийг “Хөвсгөл геологи” ХХК гурван сар гаруйн хугацаанд гүйцэтгэжээ.
2016 онд шинэ цэцэрлэгтээ болох хамт олон, эцэг эхчүүдийн хүсэлтийн дагуу Дэлхийн зөн олон улсын байгууллагын орон нутгийн хөгжлийн хөтөлбөрийн хамт олонд уламжилснаар санхүүжилтийн 50 хувь буюу 465 сая төгрөгийн хөрөнгийн эх үүсвэрийг бий болгож, 2017 оны орон нутгийн төсвөөс 300 сая төгрөгийг, 2018 оны орон нутгийн төсвөөс 141 гаруй сая төгрөгийг санхүүжүүлэхээр шийдвэрлэж өгснөөр нийт 900 сая төгрөгийн өртөгтэйгээр цэцэрлэгийн шинэ барилгын өргөтгөл ашиглалтад орлоо. Энэхүү цэцэрлэгийн өргөтгөл ашиглалтад орсноор гурван бүлэг нэмэгдэж, анги бүлгийн дүүргэлтийн тоо жигд болж, хамран сургах тойргийн цэцэрлэгт хамрагдаж чадахгүй байгаа 70 гаруй хүүхдийг сургуулийн өмнөх боловсролд хамруулах боломж бүрдлээ. Барилгын өргөтгөлийг “Хөвсгөл геологи” ХХК гурван сар гаруйн хугацаанд гүйцэтгэжээ.
Б.Гантуяа
