Ulaanbaatar
Нийслэлийн Засаг дарга Парис хотын даргад эмгэнэл илэрхийлэв
МОНГОЛЫН МЭДЭЭ
Нийслэлийн Засаг дарга Э.Бат-Үүл, Бүгд Найрамдах Франц Улсын нийслэл Парис хотын дарга Анн Идалгод эмгэнэл илэрхийллээ.
Тэрээр, “Парис хотод болсон террорист цуврал халдлагад гэм зэмгүй олон хүн өртөж, аймшигт явдлын золиос болсонд гүнээ харамсаж байна. Амь үрэгдэгсдийн ар гэр, төрөл төрөгсдөд болон Парис хот, Франц Улсын Засгийн газарт хувиасаа болон Монгол Улсын нийслэл Уланбаатар хотын иргэдийн нэрийн өмнөөс гүн эмгэнэл илэрхийлье. Бидний олон жилийн хамтын ажиллагаа, найрамдал нөхөрлөлөөр дамжуулан бид хүчирхийлэл, терроризмын эсрэг та бүхэнтэй хамтдаа нэгэн зүрх сэтгэлээр тууштай зогсоно гэдгээ үүгээр илэрхийлж байна.
Та бүхэнд тохиолдсон энэхүү уй гашууг Монгол Улсын нийслэл Улаанбаатар хотын иргэд хуваалцаж, эв санаа нэгтэй байгааг уламжилж байна” хэмээн Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
