Ulaanbaatar
Улсын төсвийн орлого 5 их наяд төгрөгөөр давжээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Сангийн яамны Төрийн сангийн газрын дарга С.Наранцогт 2017 оны эдийн засгийн үзүүүлэлтийг танилцууллаа.
Тэрээр ярихдаа, “2016 онд эдийн засгийн өсөлт -1.2 хувьтай гарч байсан бол 2017 оны хүлээгдэж буй гүйцэтгэлээр 3.8 хувийн өсөлттэй гарлаа. Энэхүү өсөлтийг салбаруудаар нь авч үзвэл, хөдөө аж ахуй -4.4 хувь, үйлчилгээ -8.5 хувиар өсөв.
Мөн 2017 оны хувьд Монгол Улсын экспортын хэмжээ анх удаа 6.2 тэрбум ам.долларыг давж, гадаад худалдааны тэнцэл 1.9 тэрбум ам.долларын ашигтай гарлаа. Гадаадын шууд хөрөнгө оруулалтын хэмжээ өнгөрсөн онд 1.2 тэрбум ам.долларт, алтны худалдан авалт 20 тоннд тус тус хүрч хандивлагч орнууд болон олон улсын байгууллагуудын санхүүгийн дэмжлэгтэйгээр төлбөрийн тэнцэл нэг тэрбум ам.долларыг давж ашигтай гарлаа. Үүний үр нөлөөгөөр гадаад валютын нөөц 3 тэрбум ам.долларт хүрэв.
Улмаар улсын төсвийн орлого 2017 онд анх удаа таван их наяд төгрөгөөр давж, төсвийн зарлагыг 98 хувьтай санхүүжүүллээ. Өнгөрсөн онд гадаадын хөрөнгө оруулалт хоёр дахин нэмэгдсэн гээд эерэг үзүүлэлттэй жил болов. Мөн ОУВС-гийн хөтөлбөрийн хүрээнд хандивлагч байгууллагуудын санхүүжилт цаг хугацаандаа орж ирсэн нь ийнхүү эдийн засагт эерэгээр нөлөөллөө гэж дүгнэж болохоор байна. Цаашид Сангийн яам санхүүжилтийг маш шуурхай хийх бодлого барина. Улсын төсвийн өөрийнх нь дансны үлдэгдэл сүүлийн 5 жилд анх удаа 405 тэрбум төгрөг гарсан. Нийт дүнгээрээ улсын төсвийн мөнгөн хөрөнгө 1.3 их наяд төгрөгөөр нэмэгдлээ”гэлээ.
Мөн үеэр Татварын шинэчлэлийн талаар Сангийн сайд Ч.Хүрэлбаатар мэдээлэл өгсөн юм. Тэрээр ярихдаа, “Засгийн газраас хөрөнгө оруулалт, бизнесийн таатай орчныг бүрдүүлэх, татвар төлөгчийн эрх ашгийг хамгаалах, хууль тогтоомжийг олон улсынхтай нийцүүлэх зорилгоор татварын хоёр дахь шатны шинэчлэлийг хийхээр ажиллаж байна. Жижиг, дунд бизнесийг дэмжихдээ 50 сая хүртэлх орлогоос 1 хувийн татвар авахаар боллоо. Мөн аж ахуйн нэгжийн 25 хувийн орлогын албан татварын 3 тэрбум төгрөгийн босгыг 6 тэрбум төгрөгт хүргэв. Улмаар татвар төлөгчийн хүсэлтээр татвар төлөх хугацааг хоёр сар хүртэл сунгах боломжтой байсныг ямар нэгэн торгуульгүйгээр нэг жил хүртэл болгосон” хэмээв.
Тэрээр ярихдаа, “2016 онд эдийн засгийн өсөлт -1.2 хувьтай гарч байсан бол 2017 оны хүлээгдэж буй гүйцэтгэлээр 3.8 хувийн өсөлттэй гарлаа. Энэхүү өсөлтийг салбаруудаар нь авч үзвэл, хөдөө аж ахуй -4.4 хувь, үйлчилгээ -8.5 хувиар өсөв.
Мөн 2017 оны хувьд Монгол Улсын экспортын хэмжээ анх удаа 6.2 тэрбум ам.долларыг давж, гадаад худалдааны тэнцэл 1.9 тэрбум ам.долларын ашигтай гарлаа. Гадаадын шууд хөрөнгө оруулалтын хэмжээ өнгөрсөн онд 1.2 тэрбум ам.долларт, алтны худалдан авалт 20 тоннд тус тус хүрч хандивлагч орнууд болон олон улсын байгууллагуудын санхүүгийн дэмжлэгтэйгээр төлбөрийн тэнцэл нэг тэрбум ам.долларыг давж ашигтай гарлаа. Үүний үр нөлөөгөөр гадаад валютын нөөц 3 тэрбум ам.долларт хүрэв.
Улмаар улсын төсвийн орлого 2017 онд анх удаа таван их наяд төгрөгөөр давж, төсвийн зарлагыг 98 хувьтай санхүүжүүллээ. Өнгөрсөн онд гадаадын хөрөнгө оруулалт хоёр дахин нэмэгдсэн гээд эерэг үзүүлэлттэй жил болов. Мөн ОУВС-гийн хөтөлбөрийн хүрээнд хандивлагч байгууллагуудын санхүүжилт цаг хугацаандаа орж ирсэн нь ийнхүү эдийн засагт эерэгээр нөлөөллөө гэж дүгнэж болохоор байна. Цаашид Сангийн яам санхүүжилтийг маш шуурхай хийх бодлого барина. Улсын төсвийн өөрийнх нь дансны үлдэгдэл сүүлийн 5 жилд анх удаа 405 тэрбум төгрөг гарсан. Нийт дүнгээрээ улсын төсвийн мөнгөн хөрөнгө 1.3 их наяд төгрөгөөр нэмэгдлээ”гэлээ.
Мөн үеэр Татварын шинэчлэлийн талаар Сангийн сайд Ч.Хүрэлбаатар мэдээлэл өгсөн юм. Тэрээр ярихдаа, “Засгийн газраас хөрөнгө оруулалт, бизнесийн таатай орчныг бүрдүүлэх, татвар төлөгчийн эрх ашгийг хамгаалах, хууль тогтоомжийг олон улсынхтай нийцүүлэх зорилгоор татварын хоёр дахь шатны шинэчлэлийг хийхээр ажиллаж байна. Жижиг, дунд бизнесийг дэмжихдээ 50 сая хүртэлх орлогоос 1 хувийн татвар авахаар боллоо. Мөн аж ахуйн нэгжийн 25 хувийн орлогын албан татварын 3 тэрбум төгрөгийн босгыг 6 тэрбум төгрөгт хүргэв. Улмаар татвар төлөгчийн хүсэлтээр татвар төлөх хугацааг хоёр сар хүртэл сунгах боломжтой байсныг ямар нэгэн торгуульгүйгээр нэг жил хүртэл болгосон” хэмээв.
Б.Заяа
