Ulaanbaatar
Казахстаны энэрлийн сангаас моторт завь хандивлажээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Бүгд Найрамдах Казахстан Улсын Алматы хотод үйл ажиллагаа явуулдаг "Салихалы урпах" энэрлийн сангаас үерийн гамшигт нэрвэгдсэн Баян-Өлгий аймгийн Өлгий сумын ард иргэдэд туслах зорилгоор аймгийн Онцгой байдлын газарт моторт завь, аврах хэрэгсэл хандивлаж байгаагаа мэдэгджээ. Уг завийг удахгүй хүргүүлэх аж.
Энэ сарын 14-16-ны өдрүүдэд болсон уулын үерт Баян-Өлгий аймгийн Өлгий сумын 2, 3, 4, 11, 12, 13 дугаар багуудын 530 айл өрх, 2500 гаруй иргэн нэрвэгдээд байгаа юм. Гамшигт нэрвэгдсэн иргэдэд туслах аян энэ өдрүүдэд Улаанбаатар хот болон орон нутагт иргэд, аж ахуйн нэгжүүд, төрийн бус байгууллагуудын санаачилгаар өрнөөд байна.
Түүнчлэн аймгийн удирдлагын зүгээс олон улсын байгууллагуудад хандаад байгаа ажээ.
Ө.Нурболат
