Ulaanbaatar
Брэйт Дон: Монголд дахин ирж “Бүргэдийн баяр” үзнэ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Монголчуудын өв соёлын "Даншиг наадам-Хүрээ цам 2023”-ын үеэр Австрали улсын иргэн, фермер эрхлэгч Брэйт Доноос Монголд аялж байгаа сэтгэгдлийг нь сонирхлоо.
-Монгол оронд
ирээд хэр удаж байна вэ?
-Монголд аялахаар
ирээд дөрвөн долоо хоногийг маш сайхан өнгөрүүлж байна. Монголд ирсэндээ
үнэхээр баяртай байна. Улсын үндэсний баяр наадмыг Улаанбаатар хотод үзэж
сонирхсон. Эрийн гурван наадам гайхалтай санагдсан шүү.
-Хөдөө орон
нутгаар аялав уу?
-Би говьд дуртай.
Монголын говийг үзэж сонирхохоор Өмнөговь аймагт очсон. Хөдөө орон нутаг нь маш
үзэсгэлэнтэй гоё, хүмүүс нь ч эелдэг сайхан харилцаатай юм. Үнэхээр мартагдахгүй
сайхан аялж байна.
-Өмнө нь Монголд
ирж байсан уу?
-Монголд анх
удаа ирж байна. Би Австралидаа
фермерийн аж ахуй эрхэлдэг. Энд ирээд морь, тэмээ, хонь ямаа, үхэр гээд таван хошуу
мал өргөн уудам нутагтаа
бэлжиж байгааг харах сайхан санагдсан.
-Та гэр бүлийнхэнтэйгээ аялж
яваа юу?
-Үгүй ээ, Монголд ганцаараа аялж байгаа. Удахгүй миний эхнэр, охин есдүгээр сард Монголд ирнэ. Бид хамтдаа Баян-Өлгий аймагт болох "Бүргэдийн
баяр" үзэж сонирхохоор төлөвлөсөн
байгаа.
-“Даншиг наадам-Хүрээ
цам”-ын талаар сэтгэгдлээ хуваалцана уу?
-Өнөөдрийн
наадам гайхалтай сайхан байлаа.
Сур харваа, хурдан морьдын
уралдаан, өвөрмөц сонин өмсгөл бүхий
цам бүжиг сонирхолтой байсан.
Надад Монгол орон үнэхээр таалагдлаа.
