Ulaanbaatar
БАЯНХОНГОР: Залуу бөхчүүдийн бэлтгэл сургуулилалтад хандив өргөв
ОРОН НУТГИЙН МЭДЭЭ | БАЯНХОНГОР
Баянхонгор, 2025 оны нэгдүгээр сарын 7 /МОНЦАМЭ/. Монгол Улсын начин Э.Батмагнай, дасгалжуулагч багш С.Мөнхдуулдахын хамт аймгийн удирдлагатай уулзан, Ерөнхийлөгчийн нэрэмжит цомынхоо хишиг болгон чөлөөт бөхийн 30 ширхэг өмсгөл борцовкаг /4.5сая төгрөгийн үнэ бүхий/ аймгийнхаа шинэ залуу бөхчүүдийн бэлтгэл сургуулилалтад дэмжлэг болгон хандивлав.
Мөн үеэр аймгийн Засаг дарга Д.Мөнхсайхан Хонгор нутгийнхаа нэрийг бөхийн дэвжээнд өндөрт өргөж яваа улсын начин болоод түүний дасгалжуулагч багш нарт амжилт хүсээд, төрийн тэргүүний авшиг, ерөөлийг төрөлх нутагтаа авч ирсэнд талархал илэрхийлсэн юм.
Мөн үеэр аймгийн Засаг дарга Д.Мөнхсайхан Хонгор нутгийнхаа нэрийг бөхийн дэвжээнд өндөрт өргөж яваа улсын начин болоод түүний дасгалжуулагч багш нарт амжилт хүсээд, төрийн тэргүүний авшиг, ерөөлийг төрөлх нутагтаа авч ирсэнд талархал илэрхийлсэн юм.
Үндэсний эрх чөлөө тусгаар тогтнолоо сэргээн мандуулсны 113 жилийн ойд зориулсан Ерөнхийлөгчийн нэрэмжит цомын төлөөх шилдэг 128 бөхийн барилдаанд Баянхонгор аймгийн Жинст сумын харьяат, "Алдар" спорт хороо, "Эм Си Эс" групп, Богд банк, Хос хаш оюу, Гал хонгор ХХК-ийн бөх, улсын начин Энхтүвшингийн Батмагнай түрүүлж, төрийн тэргүүний нэрэмжит цомыг анх удаа хүртсэн юм. Монгол Улсын начин Энхтүвшингийн Батмагнай Баянхонгор аймгийн Жинст суманд 2001 оны нэгдүгээр сарын 12-нд төрсөн, 2007 онд Баянхонгор аймагтаа Номун далай сургуульд элсэн орж 2018 онд төгссөн, 2020 онд Их засаг дээд сургуульд элсэн орсон. 11 наснаас эхлэн үндэсний бөх болон чөлөөт бөхийн спортоор хичээллэсэн түүний анхны багш нь "Байдрагийн хүчтэн" чөлөөт бөхийн холбооны дасгалжуулагч С.Мөнхдуулдах.
Э.Батмагнай
-2019 онд Баянхонгор аймгийн баяр наадамд 5 давж аймгийн начин цол
-2020 онд Баянхонгор аймгийн баяр наадамд 6 давж үзүүрлэн аймгийн заан цол
-2022 онд 2022 оны Хүннү гүрэн байгуулагдсаны 2231 жилийн ой, Их Монгол Улс байгуулагдсаны 816 жилийн ой, Тусгаар тогтнолоо шинээр сэргээн мандуулсны 111 жилийн ой, Ардын хувьсгалын 100, 101 жилийн ойн их баяр наадмын 1024 бөх барилдсан түүхт барилдаанд улсын наадамд анх удаа зодоглохдоо 1024 бөхөөс 5 давж улсын начин цол хүртсэн. Тэрээр 21 настай улсын начин цол хүртэж, тухайн наадмын хамгийн залуу начин болж залуу начны даага хөтөлж байв.
-2019 онд Баянхонгор аймгийн баяр наадамд 5 давж аймгийн начин цол
-2020 онд Баянхонгор аймгийн баяр наадамд 6 давж үзүүрлэн аймгийн заан цол
-2022 онд 2022 оны Хүннү гүрэн байгуулагдсаны 2231 жилийн ой, Их Монгол Улс байгуулагдсаны 816 жилийн ой, Тусгаар тогтнолоо шинээр сэргээн мандуулсны 111 жилийн ой, Ардын хувьсгалын 100, 101 жилийн ойн их баяр наадмын 1024 бөх барилдсан түүхт барилдаанд улсын наадамд анх удаа зодоглохдоо 1024 бөхөөс 5 давж улсын начин цол хүртсэн. Тэрээр 21 настай улсын начин цол хүртэж, тухайн наадмын хамгийн залуу начин болж залуу начны даага хөтөлж байв.
