Ulaanbaatar
АНУ-ын их сургуулиас өндөр үнэтэй олон тооны сурах бичиг хулгайд алдагдсан байна
ДЭЛХИЙН МЭДЭЭ | БОЛОВСРОЛ
ВАШИНГТОН. /Синьхуа/. АНУ-ын Охайо муж улсын их сургуулийн номын сангаас өнгөрсөн гуравдугаар сараас хойш тус бүр нь 200 гаруй ам.долларын үнэ бүхий 300 орчим сурах бичиг хулгайлагдсан тухай тус муж улсын цагдаагийн газрын төлөөлөгч мэдээлснийг “Синьхуа” агентлаг уламжлав.
Хууль зүйн “Дейтон” их сургуулийн номын сангаас нийт 277 ширхэг ном, сурах бичгийг хулгайлсан бөгөөд тэдгээрийн өртөг нь 56500 ам.доллар болж байна гэж орон нутгийн олон нийтийн мэдээллийн хэрэгслүүд өнгөрсөн мягмар гарагт мэдээлжээ.
Хууль зүйн “Дейтон” их сургуулийн номын сангаас нийт 277 ширхэг ном, сурах бичгийг хулгайлсан бөгөөд тэдгээрийн өртөг нь 56500 ам.доллар болж байна гэж орон нутгийн олон нийтийн мэдээллийн хэрэгслүүд өнгөрсөн мягмар гарагт мэдээлжээ.
Хяналтын камерын бичлэгийг шалган үзэхэд зургадугаар сарын 12-нд сэжигтэй дөрвөн этгээд 106 ширхэг ном, зургадугаар сарын 30-ны өдөр хоёр эрэгтэй нийт 20900 ам.долларын үнэ бүхий 99 ширхэг шинэ сурах бичгийг хулгайлсан нь тогтоогдсон байгаа юм байна. Хулгайд алдагдсан сурах бичгийн заримыг Охайо муж улсын хуучин номын дэлгүүрүүдээр зарж борлуулж байсныг илрүүлсэн аж.
Э.Хулан
