Ачаалж байна…
Ачаалж байна…
Bulgan Erdene

Сайншанд, 2026 оны арваннэгдүгээр сарын 19 /МОНЦАМЭ/. “Атар-4” тариалангийн тогтвортой хөгжлийн аяны хүрээнд Дорноговь аймгийн “Мөрөөдлийн говь” ХХК энэ онд 500 сая төгрөгийн зээл авч малын тэжээлийг өөрийн аймагтаа үйлдвэрлэж эхэлжээ. Дорноговь аймгийн хэмжээнд жилдээ 620 гаруй тонн тэжээл бэлтгэх шаардлагатай байдаг бол тус компани хоногт 32 тонн олон найрлагат тэжээл үйлдвэрлэснээр аймгийнхаа хэрэгцээг 100 хувь хангаад зогсохгүй зэргэлдээх аймаг сумдад нийлүүлэх боломж бүрдэж байна.
Нэг тонн малын тэжээл 1.5 сая төгрөгийн үнэтэй байгаа нь малын тэжээл үйлдвэрлэдэг бусад үйлдвэрүүдтэй харьцуулахад хямд өртөг. Одоогоор Улаанбадрах, Иххэт сум захиалгаа өгөөд тэжээлээ хүргүүлээд авч байна гэж аймгийн ХХААГ-аас мэдээлэв. Малын олон найрлагат тэжээл буюу багсармал, холимог тэжээл нь малын биед шаардлагатай уураг, нүүрс ус, өөх тос, аминдэм, эрдэс бодисыг шинжлэх ухааны үндэслэлтэй жороор тэнцвэржүүлэн хольж бэлтгэсэн бүтээгдэхүүн юм.
Үүнийг малын төрөл, нас, хүйс, ашиг шимийн чиглэлд тохируулан нунтаг, үйрмэг эсвэл хорголжин хэлбэрээр үйлдвэрлэдэг байна. Говийн бүсэд байгалийн хадлан бэлтгэх боломж хязгаарлагдмал байдаг. Малчид өндөр үнээр өвс, тэжээл худалдан авах хэрэгцээ нь багасч нутгаасаа малын тэжээл худалдан авах боломж бүрджээ.