Улаанбаатар
Гэр бүлийн хүчирхийлэл ихэсжээ
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Гэр бүлийн хүчирхийллийн гэмт хэрэг энэ оны эхний 5 сард 61 бүртгэгдсэн нь өмнөх оны мөн үеийнхээс 14 (29.8 хувь)-өөр нэмэгдсэн үзүүлэлт аж.
Харин өнгөрсөн 5
дугаар сард 20 бүртгэгдсэн нь өмнөх сарынхаас 9 (81.8 хувь)-өөр
нэмэгдсэнийг Үндэсний статистикийн
хороо мэдээлэв.
Гэр бүлийн хүчирхийллийн улмаас 2021 оны эхний 5 сард 4115
зөрчил бүртгэгдсэний 2975 (72.3 хувь)
зөрчлийг шалган шийдвэрлэжээ. Гэр бүлийн хүчирхийллийн нийт бүртгэгдсэн зөрчил
өмнөх оны мөн үеийнхээс 858
(17.3 хувь)-аар, шийдвэрлэсэн нийт зөрчил 857 (22.4 хувь)-гоор тус тус багассан байна.
Гэр бүлийн хүчирхийллийн улмаас үйлдсэн хэрэг 2021 оны эхний 5 сард 596 болж, өмнөх оны мөн үеийнхээс 129 (27.6 хувь)-өөр, эмэгтэй хүн оролцсон хэрэг 1322 болж, 65 (5.2 хувь)-аар нэмэгджээ. Харин согтуугаар үйлдсэн гэмт хэрэг 1742 болж, өмнөх оны мөн үеийнхээс 19 (1.1 хувь)-өөр, бүлэглэн үйлдсэн хэрэг 510 болж, 214 (29.6 хувь)-өөр, хүүхэд оролцсон хэрэг 217 болж, 23 (9.6 хувь)-аар, мансуурсан үедээ үйлдсэн хэрэг 68 болж, 4 (5.5 хувь)-өөр багасав.
Гэр бүлийн хүчирхийллийн улмаас үйлдэгдсэн 596 хэргийн 61 (10.2 хувь) нь Монгол Улсын Эрүүгийн хуулийн 11.7 дугаар зүйл (Гэр бүлийн хүчирхийлэл үйлдэх гэмт хэрэг)–ээр зүйлчлэгдсэн байна.
