Улаанбаатар
СҮХБААТАР: Нийт нутгийн 40 хувьд зудын их эрсдэлтэй байна
ОРОН НУТГИЙН МЭДЭЭ | СҮХБААТАР
Баруун-Урт, 2025 оны нэгдүгээр сарын 3 /МОНЦАМЭ/. Нэгдүгээр сарын 3-ны байдлаар нийт нутгаар 1-7 см цастай байна. Зудын эрсдэлийг өнгөрсөн 12 дугаар сард үнэлэхэд нийт нутгийн 40 хувьд их, 30 хувьд дунд зэрэг 10 гаруй хувьд бага эрсдэлтэй байна.
Тодруулбал, Баяндэлгэр сумын зүүн өмнөд, Онгон сумын баруун өмнөд хэсэг, Дарьганга сумын баруун хэсэг, Наран сумын зүүн хойд хэсгээр их эрсдэлтэй, нутгийн өмнөд хэсгээр бага зэрэг эрсдэлтэй байна.
Зудын үнэлгээг боловсруулахдаа өнгөрсөн зуны ган, зуншлага, өвөл-хаврын бэлчээрийн даац, бэлчээрийн ургац, малын тоо, агаарын температур, хур тунадасны дундажтай харьцуулсан хазайлт, цасны бүрхэц, зузаан болон 12 дугаар сарын агаарын температур, хур тунадасны урьдчилсан мэдээг ашиглаж гаргасан гэж аймгийн УЦУОШТ-өөс мэдээллээ.
