Тэрүнофүжи Г.Ган-Эрдэнэ озэки цол хүртэхэд 2 даваа үлдлээ
Улаанбаатар /МОНЦАМЭ/. Токио хотноо болж буй
мэргэжлийн сумо бөхийн хаврын тэмцээний 11 дэх өдөр Сэкиваке Тэрүнофүжи
Г.Ган-Эрдэнэ, Сэкиваке Таканошотой учраа таарч, түүнийг ёрикири мэхээр унагаж 8 даваа, 3 унаатай
боллоо.
Харү башёгийн 11 дэх өдрийн байдлаар Комүсүби Такаясү 9 даваа, 2 унаатай ганцаараа тэргүүлж байгаа
бол өнөөдөр өрсөлдөгч бөхөө давсан Сэкиваке Тэрүнофүжи Г.Ган-Эрдэнэ, Озэки
Асанояама, Тобизарюү /М-8/,нарын адил 3
унаа, 8 даваатай болж Такаясүгээс 1 даваагаар дутуу болов.
Энэ өдөр Тамаваши
Б.Мөнх-Оргил /М-6/, Вакатакакаге /М-2/-тэй барилдаж, ошидаши мэхээр унаж 5
даваа, 6унаатай болсон бол Ичиножёо А.Ичинноров /М-6/, Мэйсей /М-2/-тэй барилдаж,
түүнд ёрикири мэхээр ойчиж, 6 даваа, 5 унаатай башёг үргэлжлүүлж байна.
Энэ өдрийн барилдаанд
Хошёорюү С.Бямбасүрэн /М-9/, Окиноүми /М-5/-тэй учраа таарч, түүнийг сүкүинаге мэхээр
хаяж, 7 даваа, 4 унаатай боллоо.
Чиёошома Г.Мөнхсайхан
/М-13/ энэ өдөр Хиденоүми/М-15/-тэй барилдаж, түүнд ёрикири мэхээр унаснаар 5
даваа, 6 унаатай болов.
Энэ башёд хүч үзэж байгаа
гурван озэки цолтнууд энэ өдөр анха удаа бүгд өрсөлдөгчдөө давлаа. Такакэйшо, Кирибаяама
Б.Лхагвасүрэн /М-4/-г цүкидаши мэхээр унагаж 7 даваа, 4 унаатай боллоо. Харин
Озэки Асанояама, Мёогирюү /М-4/-г ёрикири мэхээр хаяж, 8 даваатай Такаясүгийн
араас Тэрүнофүжигийн хамт нэхэж байна. Озэки Шодай энэ өдөр башёг тэргүүлэгч
Комүсүби Такаясүг цүкидаши мэхээр унагаж, 6 дахь даваагаа авсан бол Такаясү 2
унаатай болов.
1550 дня
Ulaanbaatar
