Урьдчилан сэргийлэх арга хэмжээнд зориулж 70 сая төгрөг төсөвлөжээ
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Коронавирусний халдвараас урьдчилан сэргийлэх арга хэмжээнд зориулж Говь-Алтай аймгийн Онцгой комиссоос 70 сая төгрөг төсөвлөжээ.
Уг 70 сая төгрөгийг өндөржүүлсэн бэлэнд байдалд зарцуулах, нэг удаагийн хамгаалах хэрэгслийг аймгийнхаа хэмжээнд бүрдүүлэхээр ажиллаж буйгаа ЭМГ-ын дарга Ц.Туяа мэдээлэв. Ийнхүү нэг удаагийн хамгаалах хэрэгслийг аймгийн төвд нэгдсэн байдлаар төвлөрүүлж харьяа эрүүл мэндийн байгууллагуудаар дамжуулан ард иргэдэд хүргэх ажээ. Одоогоор Говь-Алтай аймгийн хэмжээнд нэг удаагийн амны хаалт, гар ариутгалын бодис тасарсан тухай эм ханган нийлүүлэх байгууллагуудаас мэдээлээд байна.