Ulaanbaatar
Мал тооллогын үеэр өрхийн мэдээллийн сангийн тулгалт, шинэчлэл давхар хийнэ
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. "Ковид-19" цар тахлаас үүдэн энэ жилийн мал
тооллогын хугацааг орон нутаг өөрсдөө тогтоох болсон. Үүнтэй холбоотойгоор
аймгийн Засаг даргын захирамжаар тус аймгийн хэмжээнд 2020 оны жилийн эцсийн мал тооллогыг энэ сарын 18-28-ны хооронд арав хоногийн
хугацаанд зохион байгуулахаар болсон байна.
Одоогоор мал
тооллогын бэлтгэл ажлыг хангаж эхлээд байна. 2021 оны нэгдүгээр сараас малын
хөлийн татварын хууль хэрэгжиж эхлэх учир өөр аймаг сум гэж ялгалгүй бүх малыг
тооллогод хамруулна. Тус аймагт отроор яваа өөр аймгийн малыг тоолоод тухайн
аймаг руу нь мэдээллийг өгч шивэлтийг нь хийлгэх зарчмаар ажиллана. Манай аймгаас
өөр аймагт нутаглаж байгаа малчид ч яг адилхан. Тиймээс малчид болоод мал бүхий
иргэн, ААНБ-ууд заавал тооллогодоо хамрагдаж, мэдээллээ үнэн зөв өгөх ёстой. Мөн
өөр аймгийн иргэнийх хэдий ч малчин нь
Сүхбаатарын харьяанд байдаг, мал нь олон жил энд нутагласан бол тавиул малаар
тоолж, татварын орлогыг орон нутагтаа төвлөрүүлэх бодлого барьж байгаа гэж
Статистикийн хэлстийн дарга Т.Эрдэнэбат мэдээлэл өглөө.
Мал тооллого явуулах дээрх хугацаанд мал шилжүүлэх, худалдан борлуулахгүй байхыг онцгойлон анхаарууллаа. Мөн тооллогын үеэр өрхийн мэдээллийн сангийн тулгалт, шинэчлэл давхар хийх аж.
2019 оны жилийн эцсийн тооллогоор тус аймаг 3,8 сая толгой мал тоолуулж байсан юм.
