Ulaanbaatar
“Shionogi” компани “COVID-19”-ийн эмэндээ зөвшөөрөл хүсэх төлөвтэй байна
ДЭЛХИЙН МЭДЭЭ | ЭРҮҮЛ МЭНД
ТОКИО. /NHK/. Японы эм үйлдвэрлэгч “Shionogi” компани “COVID-19”-ийн дотуур ууж хэрэглэдэг эмэндээ зөвшөөрөл авах хүсэлтийг ирэх долоо
хоногт гаргаж магадгүй талаараа даваа гарагт мэдээлжээ. Энэ нь Японд “COVID-19”-ийг эмчлэх зорилгоор дотоодод гарган
авсан анхны эм болох юм.
“Shionogi” компани энэхүү эмийн эмнэлзүйн туршилтад 12-70
насны, коронавирусээр халдварласан 69 өвчтөнийг хамруулжээ. Ингэхэд тэдний
заримд нь халдварын шинж тэмдэг илрээгүй бол заримд нь хөнгөн, дунд хэлбэрийн шинж тэмдэг
илэрсэн байна.
Мөн тэднийг өндөр
тун уусан, бага тун уусан, плацебо уусан гэсэн гурван бүлэгт хувааж, бүгдэд нь таван хоногийн турш өдөрт нэг шахмал уулгасан байна. Тийнхүү гурав
дахь тунгийн дараа өндөр тунгийн бүлгийн өвчтөнүүдийн вирусний титр плацебо
уусан хүмүүсийнхтэй харьцуулахад 80 хувиар, бага тунгийнх 63 хувиар тус тус буурчээ.
“Shionogi” компанийн мэдээлснээр, эм уусан өвчтөнүүдийн
шинжилгээний хариу сөрөг гарах хугацааг плацебо уусан хүмүүсийнхтэй харьцуулахад хоёр хоногоор богиносож, нэг ч хүн эмнэлэгт хэвтэн эмчлүүлээгүй байна. Үүнээс
гадна эмийн гаж нөлөө хөнгөн байжээ.
Тус компани 400
орчим хүнийг оролцуулсан өөр туршилтын мэдээлэлд мөн дүн шинжилгээ хийж байгаа бөгөөд
үр дүн нь өндөр гарвал туршилтын эцсийн шатны үр дүнг хүлээхгүйгээр ирэх долоо
хоногт юм уу түүний дараа долоо хоногт зөвшөөрөл авах хүсэлтээ гаргаж магадгүй
байгаа ажээ.
“Хэрэв дараагийн
үе шатны үр дүн нааштай гарвал бидний гарган авсан эм маш үр дүнтэй эмчилгээ
болох төлөвтэй байна” гэж “Shionogi” компанийн тэргүүн Тэшироги Исао хэлжээ.
