Ulaanbaatar
ӨВӨРХАНГАЙ: 200 гаруй иргэн хууль, эрхзүйн мэдээлэл, зөвлөгөөг авлаа
ОРОН НУТГИЙН МЭДЭЭ | ӨВӨРХАНГАЙ
Арвайхээр /МОНЦАМЭ/. Монголын Хуульчдын холбооноос жил бүр уламжлал болгон зохион байгуулдаг “Хуульчийн Про Боно -2023” өдөрлөгийг 5 дугаар сарын эхний өдөр зохион байгууллаа.
Арвайхээр суманд иргэд олноор үйлчлүүлдэг БОЭТ, төв зах болон багуудын томоохон дэлгүүрийн гадна талбайд зохион байгуулсан тус өдөрлөгт төрийн 12 байгууллагын 48 албан хаагч оролцож, 27 төрлийн хууль зүйн анхан шатны зөвлөгөө, мэдээллийг 200 гаруй иргэнд өгсөн юм. Мөн найман иргэнд хууль зүйн туслалцаа үзүүллээ.
Иргэд хүүхдийн тэтгэвэр, тэтгэмж, тоон гарын үсэг, иргэний бүртгэл, сайн дурын нийгмийн даатгал, эрүүл мэндийн даатгал, үл хөдлөх хөрөнгө худалдаж авах, өвлүүлэх, шилжүүлэх зэрэг асуудлаар нийтлэг ханджээ.
