Ulaanbaatar
Энэ 7 хоногт Монгол Улсад
МОНГОЛЫН МЭДЭЭ | НИЙГЭМ
Улаанбаатар, 2024 оны гуравдугаар сарын 11 /МОНЦАМЭ/. 2024 оны гуравдугаар сарын 11-17-нд болох үйл явдлын тойм
Улаанбаатарт:
3 дугаар сарын 12-нд: СЕХ-ноос “Сонгуулийн боловсрол” сэтгүүлчдийн уулзалтыг зохион байгуулна.
3 дугаар сарын 12-нд: МҮХАҮТ төрийн болон хувийн хэвшлийн байгууллагуудтай хамтран “Үзэсгэлэн яармагаар дамжуулан уул уурхайн бус экспортын боломжийг нэмэгдүүлэх нь” уулзалт, хэлэлцүүлэг болно.
3 дугаар сарын 13-нд: Засгийн газрын ээлжит хуралдаанТөрийн ордонд болно.
3 дугаар сарын 14, 15-нд: “Зочлох үйлчилгээ, аялал жуулчлалын экспо-2024” болно.
3 дугаар сарын 14-нд: “Улаанбаатар-Бүсчилсэн хөгжил” форумыг зохион байгуулна.
3 дугаар сарын 15-нд: Улаанбаатар хотод нөөцийн мах худалдаж эхэлнэ.
3 дугаар сарын 15-нд: Pro театрын уран бүтээлчид Францын алдарт зохиолч Виктор Хюгогийн туурвисан бүтээлүүдийн ноён оргил болох “Инээмтгий хүн” романыг тайзны бүтээл болгон туурвиж байна.
3 дугаар сарын 15-нд: Нийслэлийн Баянзүрх дүүргийн 26-р хорооны нутаг дэвсгэрт гарсан дэлбэрэлтийн дүгнэлт гарна.
3 дугаар сарын 16-нд: УДБЭТ-ын тайзнаа Ч.И.Чайковскийн “Хунт нуур” балет үзэгчдэд хүрнэ.
Улаанбаатар театрын тайзнаа "Клеопатра" сонгодог драмын жүжиг үзэгчдийн хүртээл болж байна.
"Тод хувцастай эмэгтэй" уянгын драмын жүжиг МҮЭСТО-ны тайзнаа үргэлжилж байна.
Орон нутагт:
3 дугаар сарын 16, 17-нд: Дархан-Уул аймагт “Чингис мастер кросс” авто ралли уралдаан болно.
Хилийн чанадад:
Монгол Улсаас БНХАУ-д суугаа ЭСЯ-ны дэргэдэх Соёл, мэдээллийн төвд МУЭ-ийн Хятад улс дахь төлөөлөгч, зураач Ц.Мядагмаагийн бие даасан уран бүтээлийн үзэсгэлэн 3 дугаар сарын 20-ны өдрийг хүртэл үргэлжилнэ.
