Ulaanbaatar
ОРХОН: Аймгийн тэшүүрийн спортын өсвөрийн аваргууд тодорлоо
ОРОН НУТГИЙН МЭДЭЭ | ОРХОН
Баян-Өндөр, 2025 оны нэгдүгээр сарын 27 /МОНЦАМЭ/. Ирэх хоёрдугаар сарын дунд үеэр Орхон аймагт зохион байгуулахаар төлөвлөсөн байсан “Өвлийн спортын их наадам” энэ удаа талбайн цас, мөсний асуудлаас болж өөрчлөгдөн Улаанбаатар хотноо Хандгайтад болохоор болсон байна.
Энэхүү спортын их наадамд оролцох өвлийн спортын тэшүүрийн Өсвөрийн аймгийн аварга шалгаруулах тэмцээн боллоо.
"Эрдэнэт мөнгөн өвөл-2025" аяны хүрээнд Тэшүүрийн өсвөр үеийн аймгийн аварга шалгаруулах тэмцээнд 8 дугаар сургууль болон тэшүүрийн клубийн 50 гаруй тамирчин оролцож, хурд хүч, тэсвэр тэвчээр, авхаалж самбаагаа сорин уралдлаа.
Тэмцээнд 11-18 насны өсвөрийн тамирчид оролцож, 200-1000 метрт уралдан багийн дүнгээр нэгдүгээр байрыг Ш.Мөнхболд багштай I сургууль, хоёрдугаар байрыг Н.Энхцэцэг багштай I сургууль, гуравдугаар байрыг Б.Баярмагнай багштай Харх клуб тус тус шалгарч өргөмжлөл, мөнгөн шагналаар шагнуулав.
Тэмцээнийг Орхон аймгийн Биеийн тамир спортын газар, аймгийн тэшүүрийн спортын холбоо хамтран зохион байгууллаа.
