Ulaanbaatar
Кейт Миддлтон Диана гүнжийн титмийг зүүжээ
ДЭЛХИЙН МЭДЭЭ | СОНИН ХАЧИНЛОНДОН. /BBC/. Лондон хотын Букингемын ордонд дипломат хүлээн авалт зохион байгуулагдсантай холбогдуулан Их Британийн хааны гэр бүл нэг дор цугларчээ.
Кейт Миддлтон энэхүү үдэш дизайнер Женни Пэкхамын урт улаан даашинзаар гоёж, олны анхаарлыг татлаа. Гэхдээ олны дунд шуугиан тарьсан гол сэдэв нь даашинз биш, харин гүнжийн тэргүүнийг чимсэн хааны гэр бүлийн эртний титэм байсан юм. Кембрижийн гүнгийн авхай өөрийн хадам ээж буюу Диана гүнжийн хамгийн дуртай титмийн нэг болох "Cambridge Lover's Knot"-ыг зүүсэн байна.
Диана гүнж энэхүү титмийг 1981 онд хатан хаан Элизабетээс хуримын бэлэг болгон авсан юм. Тэр цагаас хойш энэхүү титмийг маш цөөн удаа олны өмнө зүүж байжээ. Хэдийгээр энэхүү титмийг ихэвчлэн Диана гүнжтэй холбож ярьдаг ч үнэн хэрэгтээ уг титэм 100 гаруй жилийн түүхтэй билээ.
Эзэн хааны гэр бүлийн хувийн дархан Жеррард хэмээх эрхэм уг титмийг бүтээсэн бөгөөд хатан хаан Мэри хамгийн анх удаа зүүж байсан түүхтэй аж.
Х.Сарнай
