Ulaanbaatar
Бургастайн боомтоор мах экспортолж эхэллээ
ОРОН НУТГИЙН МЭДЭЭ | ГОВЬ-АЛТАЙГовь-Алтай аймгийн Алтай сумын нутаг дахь Бургастай боомтоор үхэр, хонь, ямааны махыг БНХАУ-д экспортлох нээлтийн ажиллагаа амжилттай зохион байгуулагдлаа.
Говь-Алтай аймгийн Алтай сумын Бургастайн боомтоор үхэр, хонь, ямааны мах экспортлох нээлтийн ажиллагаанд БНХАУ-д Монгол Улсаас суугаа Бүрэн эрхэт элчин сайд н.Сүхбаатар, Засгийн газрын гишүүн Гадаад хэргийн сайд Л.Пүрэвсүрэн, ХХАА-н яамны төрийн нарийн бичгийн н.Ариунболд, МХЕГ-ын дэд дарга Ю.Галсан, аймгийн Засаг дарга О.Амгаланбаатар, орлогч Д.Чинзориг болон БНХАУ-ын Хами аймгийн төлөөлөгчид зэрэг албаны хүмүүс оролцлоо.
Нээлтийн үеэр Увс аймгийн “МОН ТУВА” ХХК-ий махны үйлдвэрээс бэлтгэсэн 16,0 тн хонины мах экспортлож, аймгийн МХГ-ын ХХЦХ-ын хэлтсийн мал эмнэлгийн хяналтын улсын байцаагч хяналт тавьж, Говь-Алтай, Увс, Ховд, Завхан аймгуудын МХГ-ын мал эмнэлгийн хяналтын улсын байцаагч нар оролцов.
Говь-Алтай аймаг Ш.Цоодол
