Ulaanbaatar
Сайханы хөтөлийн чиглэлийн зам засварын ажил эхэллээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ
аймгийн төв Сүхбаатар сумаас баруун
хойш 10-аад км-ийн зайд орших байгалийн үзэсгэлэн бүрдсэн “Сайханы
хөтөл”-ийг тус аймгийн удирдлагууд аялал жуулчлалын цогцолбор болгохоор ажиллаж
байгаа юм.
Энэхүү ажлын хүрээнд нэн түрүүнд зам дагаж хөгжил гэдэг утгаар зам засварын ажлыг эхлүүлээд байна. Энд “Сайханы хөтөл”-ийн чиглэлийн 7 км замыг улсын төсвийн хөрөнгө оруулалтаар 3.5 тэрбум төгрөгийн өртөгтэйгээр хатуу хучилттай болгох ажил хийх аж.
Тус замын ажлыг “Сэлэнгэ АЗЗА” ТӨХК гүйцэтгэхээр ажилдаа ороод
байна. Цаашид “Сайханы хөтөл”-ийн аялал жуулчлалын цогцолбор барих ажлын
хүрээнд хамгийн том бүтээн байгуулалтын ажил болох шилэн гүүр барих юм.
