Ulaanbaatar
Дөрвөн вагон хөгцөрсөн будааг экспортлогч оронд нь буцаав
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Вьетнам улсаас Монгол Улсын нэр бүхий компанийн импортолсон 290 тонн буюу дөрвөн вагон хөгцөрсөн цагаан будааг энэ сарын 18-нд экспортлогч оронд нь буцаалаа.
Тээвэрлэлтийн горим зөрчсөний улмаас дээрх бүтээгдэхүүний чанар, аюулгүй байдал алдагдаж хөгцөрснийг Дорноговь аймгийн Замын-Үүд боомтын мэргэжлийн хяналтын байгууллагаас илрүүлсэн байна.
Энэ оны 6, 7 дугаар сард мөн энэ төрлийн зөрчлийг илрүүлж, будааг экспортлогч улсад буцаасан бөгөөд хамгийн сүүлд энэ сарын 5-ны өдөр 60 тонн будааг хилээр нэвтрүүлэлгүй буцаасан байна.
