Ulaanbaatar
"Алтан Од", "Алтан очир", "Олимпын алдар" одонгийн эзэд тодорлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын үндэсний олимпын хорооны ерөнхийлөгч Н.Түвшинбаяр олимпын хөдөлгөөнийг сурталчлан дэлгэрүүлэх, олимпизмын үйлсэд үнэтэй хувь нэмэр оруулсан эрхэм нөхдүүдэд МҮОХ-ны одон гардуулав.
Тухайлбал, МҮОХ-ны дээд шагнал "Алтан Од" одонгоор "Их үйлсийн эрэлд" группийн тэргүүн Ж.Бямбабаатарыг, "Алтан очир" одонгоор Монгол улсын гавьяат дасгалжуулагч Ж.Баярсайханыг, "Олимпын алдар" одонгоор Монголын жүдо бөхийн холбооны дэд ерөнхийлөгч Б.Одхүү, БТСУХ-ны спортын ордон хариуцсан менежер Г.Нямдорж, 3x3 сагсан бөмбөгийн үндэсний шигшээ багийн ерөнхий дасгалжуулагч, хөгжил хариуцсан захирал С.Тулга нарыг тус тус шагнав.
