Ulaanbaatar
Залуу жүдочид ДАШТ-нд хүчээ сорьж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Жүдо бөхийн 2021 оны
залуучуудын дэлхийн аварга шалгаруулах тэмцээн Итали улсын Олбиа хотод энэ
сарын 6-10-нд зохион байгуулж байгаа талаар Монголын жүдо бөхийн холбооноос мэдээллээ.
Тус тэмцээнд 5 тивийн 72
орны 495 залуу тамирчин /эрэгтэй 285,
эмэгтэй 210/ тус бүр 7 жинд болон багийн төрөлд өрсөлдөж шилдгүүдээ тодруулах юм.
Монголын шигшээ багийг танилцуулахад, Эрэгтэйчүүдийн 66 кг-ын жинд А.Өсөхжаргал, 81 кг-д Т.Рэнчиндорж, Л.Сэргэлэн, -100 кг жинд Б.Сумъяабазар нар өрсөлдөх бол эмэгтэйчүүдийн 52 кг-д Д.Сарантуяа, Э.Номинтуяа, 57 кг-д А.Намуундалай, 63 кг-д Ц.Сүнжиндмаа, -78 кг жинд О.Хүслэн нар өрсөлдөнө. Дасгалжуулагчаар Г.Бат-Эрдэнэ ажиллаж байна.
Монголын баг тамирчдаас
энэ удаагийн тэмцээний салхийг хагалж яг одоо 3 дугаар татамид эрэгтэйчүүдийн 66 кг-ын жинд А.Өсөхжаргал эхний барилдаанаа Румын улсын жүдоч Раду Извореанутай хийх
гэж байна.
