Ulaanbaatar
Наадмын өдрүүдэд их багтаамжийн 659 автобус иргэдэд үйлчилнэ
МОНГОЛЫН МЭДЭЭ | НИЙГЭМ
Үндэсний их баяр наадмын өдрүүдэд нийтийн тээврийн үйлчилгээнд үндсэн 82 чиглэлд их багтаамжийн 659 автобус үйлчилгээнд гарах талаар Нийслэлийн Тээврийн газраас мэдээлэв.
Тухайлбал, Дүнжингарав худалдааны төв рүү энэ сарын 11,12-нд хотын зүүн болон хойд зүгээс 24 чиглэлийн 159 автобус үйлчилгээ үзүүлнэ. Мөн Дүнжингарав худалдааны төв- Төв цэнгэлдэх- Мишээл экспо чиглэлд 15 автобус, Дунд голоос Төв цэнгэлдэх рүү богино эргэлтээр 3-5 минут тутамд 3 автобус, наадамчин олонд үнэ төлбөргүйгээр үйлчлэх аж.
Хүй долоон худаг руу Төв цэнгэлдэхийн хойд талаас буюу Мохатма Гандийн гудамжны зогсоолоос их багтаамжийн 20, “3,4-р хороолол”, “7 буудал”, “5 шар”, “Ханын материал”, “Офицеруудын ордон” -оос тус бүр 4 микро автобус үйлчилнэ. Мөн ”RAILBUS”-аар зорчигчдод зориулан Давааны өртөөнөөс морь барианы газар хүртэл их багтаамжийн 5 автобус үнэ төлбөргүй үйлчлэх юм.
Ч.Ариунболд
