Ulaanbaatar
Мөрөн суманд дахивар бүтээгдэхүүн худалдан авах төв байгууллаа
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Мөрөн суманд дахивар бүтээгдэхүүн худалдан авах төв байгуулж, Мөрөн сум болон Хатгал, Тариалан сумдаас дахин боловсруулах хуванцар сав, үндэсний үйлдвэрийн бүтээгдэхүүний шил, бусад бүх төрлийн дахиврыг хүлээн авч байна. Тус цэг энэ онд гялгар уут 2 тонн, хуванцар 4 тонн, лааз 2 тонн, шил 5000 ширхгийг хүлээн авсан байна.
Цаашид Мөрөн сумаас гадна Баянзүрх, Түнэл, Ханх, Галт, Тариалан, Бүрэнтогтох, Алаг-Эрдэнэ, Улаан-Уул, Чандмань-Өндөр, Арбулаг зэрэг сумаас дахин боловсруулах хог хаягдлыг хүлээн авах ажлыг төлөвлөн ажиллаж байна.
Мөрөн хотын хог хаягдлын менежментийг сайжруулах чиглэлээр улсын төсвийн хөрөнгө оруулалтаар хог хаягдлын төвлөрсөн цэг рүү цахилгаан шугам татах, дахин боловсруулах үйлдвэрийн түүхий эд бэлтгэх зорилгоор Элстийн арын хогийн цэгийн дэргэд 3 га газрыг хашаажуулан дахивар бүтээгдэхүүн худалдан авч байгаа ажээ.
