Ulaanbaatar
АРХАНГАЙ: Гамшгаас хамгаалах бэлэн байдлын урьдчилсан үзлэг болов
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Гамшгаас хамгаалах бэлэн байдлын улсын үзлэгийн бэлтгэл ажлын хүрээнд аймгийн ОБГ-аас мэргэжлийн анги, байгууллагуудын дунд бэлэн байдлын урьдчилсан үзлэгийг өнөөдөр 15.00 цагаас зохион байгууллаа.
3-4 жилийн хугацаанд нэг удаа болдог энэхүү үзлэгт аймгийн Онцгой комисс, мэргэжлийн ангиуд, мөн аймгийн төв Эрдэнэбулган сумын Онцгой комисс, мэргэжлийн ангиуд гээд нийт 13 мэргэжлийн ангийн 316 алба хаагч хамрагдлаа.
Энэхүү үзлэгийн дараа мэргэжлийн анги бүрийг ОБГ-аас нэг чиглүүлэгч офицер даан авч, жагсаалын бэлтгэл сургуулийг хийлгэж байна. Жагсаалын бэлтгэлийг энэ сарын 14-нийг дуустал хугацаанд хийх аж.
