Ulaanbaatar
“Уяхан замбуу тивийн наран” урлагийн наадмыг байгалийн задгай театрт зохион байгуулна
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. “Уяхан замбуу тивийн наран” урлагийн наадмыг Дундговь аймгийн “Их газрын чулуу” байгалийн цогцолбор газарт наймдугаар сарын 11-12-нд зохион байгуулахаар болжээ.
Уртын дууч, морин хуурчид оролцох соёлын цогц хөтөлбөр болон тасалбарын мэдээлэл ирэх долоо хоногт гарна гэдгийг тус аймгийн Засаг даргын орлогч М.Анхбаяр хэлсэн юм.
Энэхүү урлагийн наадам дөрвөн жилд нэг удаа, байгалийн задгай театрт болдгоороо ихээхэн онцлогтой.
2019 оны анхны наадамд 3000 уртын дууч, морин хуурчид оролцож, бэсрэг наадам зохион байгуулсан байна. Мөн шөнийн цагаар байгалийн өвөрмөц тогтоцтой хаданд гэрэл тусгаж, урлагийн тоглолтоо хүрэлцэн ирсэн зочдод сонирхуулж байв.
