Ulaanbaatar
Хакүхо аварга эмчилгээнийхээ завсар эх орондоо ирнэ
МОНГОЛЫН МЭДЭЭ | СПОРТАки башёд бэртлийн улмаас зодоглож чадаагүй Их аварга Хакүхо М.Даваажаргал эмчилгээнийхээ завсар эх орондоо ирэхээр болов. Тэрбээр нөгөөдөр Монголд ирнэ.
Өнгөрсөн 7 дугаар сарын башёгийн үед баруун хөлийн эрхий хуруундаа бэртэл авсан ч зүүн хөлнийхээ бэртлийг хүндрүүлэн сэдрүүлсэн нь сүүлийн барилдаанд нөлөөлжээ. Гэвч их аварга өрсөлдөгчтэйгөө бус гэмтэлтэйгээ барилдаад байв. Хүндрэлтэй байсан ч барилдсаар байсан Хакүхог эмч нар үзээд 9 дүгээр сарын 8-ны өдөр эмнэлэгт хэвтүүлжээ. Түүний баруун хөлийн эрхий хуруу, зүүн өвдгөнд мэс засал хийжээ. Мэс заслын дараа хагалгааны дараах нөхөн сэргээх эмчилгээ хийх зуураа Хакүхо Монголд ирж 7 хоног амрах аж. Харин энэ хугацаандаа Сүмогийн холбооны дүрмийн дагуу ямар нэгэн олон нийтийн арга хэмжээнд оролцохгүй юм байна.
Ж.Батсайхан
