Ulaanbaatar
Казахстаны реппер Халиб бүрэн хэмжээний тоглолтоо Монголд хийнэ
МОНГОЛЫН МЭДЭЭ | СОЁЛ УРЛАГ
Улаанбаатар, 2024 оны гуравдугаар сарын 26 /МОНЦАМЭ/. “Медина”, “Созвездие ангела”, “Лейла” зэрэг дуугаараа монголчуудын танил болсон Казахстаны шилдэг реппер, артист Халиб ирэх наймдугаар сарын 17-нд Монголд бүрэн хэмжээний тоглолтоо зохион байгуулахаар болжээ.
Энэ удаад тэрбээр өөрийн амьд хөгжмийн баг, гэрэлтүүлэг, хөгжим, лед инженерийн багийнхантайгаа бүрэн бүрэлдэхүүнээрээ ирэх нь ээ. “Шоппи Парк”-т болох уг тоглолтыг “ДиДи энтертайнмент” зохион байгуулж байгаа юм. Тоглолтын хүрээнд 10000 м2 талбайг зүлэгжүүлэх, хоёр ширхэг супер вип бүтээн байгуулалт хийхээр төлөвлөжээ.
Тоглолт болох “Шоппи
Парк” өглөөний 10:00 цагт үүдээ нээх бөгөөд бүтэн өдрийн турш тусгай эвентүүд зохион
байгуулна. Энгийн тасалбар 109900 төгрөгийн үнэтэй бол вип тасалбар хоёр сая
төгрөг ажээ.
