Ulaanbaatar
Хот, нийтийн аж ахуйн салбарын 13 мэргэжлээр 100 хүүхдийг Германд сургана
МОНГОЛЫН МЭДЭЭ | БОЛОВСРОЛ
Улаанбаатар, 2024 оны тавдугаар сарын 15 /МОНЦАМЭ/. Нийслэлийн Засаг даргын захирамжаар хот, нийтийн аж ахуйн чиглэлээр ХБНГУ-д суралцах сурагчдыг сонгон шалгаруулах “Нарийн мэргэжлийн мэргэжилтэн бэлтгэх тухай” ажлын багийг байгуулсан.
НЗДТГ-ын дарга Л.Хосбаяраар ахлуулсан ажлын баг Геодези, усны барилга, байгууламжийн газар ОНӨААТҮГ, “Хот тохижилтын газар” ОНӨААТҮГ, Улаанбаатар хотын Захирагчийн ажлын алба, дүүргүүдийн хот нийтийн аж ахуйн салбарт тогтвор, суурьшилтай ажиллаж буй албан хаагчдын 18-22 насны хүүхдүүдийн судалгааг авч, сонгон шалгаруулалтын хүрээнд ганцаарчилсан ярилцлагыг тавдугаар сарын 13-ны өдрөөс эхлүүлсэн юм.
Сонгогдсон хүүхдүүд эх орондоо 11 сар герман хэлний бэлтгэлд хамрагдах юм. Хэлний шалгалтдаа тэнцсэн тохиолдолд Герман Улсад дараах нарийн мэргэжлээр гурван жил суралцана.
Метроны засварчин
Нийтийн тээврийн инженер, засварчин
Дулааны слесарь
Цахилгаанчин
Агуулах, ложистикийн мэргэжилтэн
Үйлдвэрийн механикжуулалт, Мехатроник,
Гүний барилга байгууламжийн инженер, мэргэжилтэн
Металл
Хүнсний технологич
Систем, интеграцчлал мэдээллийн технолгийн мэргэжилтэн
Бетон ба төмөр бетоны мэргэжилтэн
Токерчин
Цэцэрлэгжүүлэлт, ландшафт
