Ulaanbaatar
Улаанбаатар-Прага чиглэлд ирэх сараас шууд нислэг үйлдэж эхэлнэ
МОНГОЛЫН МЭДЭЭ | НИЙГЭМ
Улаанбаатар, 2024 оны
зургаадугаар сарын 10 /МОНЦАМЭ/. Иргэний
агаарын тээврийн “Изинис Эйрвэйз” компани Улаанбаатар-Прага чиглэлд ирэх сараас
шууд нислэг эхлүүлэхээр болов.
ЗТХЯ-наас агаарын тээврийн
салбарт “Хямд тийз-хүртээмжтэй нислэг” зорилт дэвшүүлж, олон улсын болон
дотоодын нислэгийн тоо, давтамжийг нэмэгдүүлэхэд онцгой анхаарч буй. Энэ
хүрээнд “Изинис Эйрвэйз” компани 2024 оны7 дугаар сарын 10-наас эхлэн
Улаанбаатар-Прага чиглэлд долоо хоногт 2 удаа буюу лхагва, бямба гарагт нислэг
үйлдэхээр болов.
“Изинис Эйрвэйз” компани Олон улсын агаарын тээврийн холбоо (IATA)-нд гишүүнээр элсээд байна. Тодруулбал, тус компани өнгөрсөн 7 хоногт Дубай хотноо болсон IATA-ны 80 дахь удаагийн дээд хэмжээний чуулга уулзалтын үеэр тус холбооны гишүүнчлэлийн гэрчилгээг гардан авчээ.
