Ulaanbaatar
Хөгжмийн зохиолын 2024 оны шилдгүүд тодорлоо
МОНГОЛЫН МЭДЭЭ | СОЁЛ УРЛАГ
Улаанбаатар, 2024 оны арванхоёрдугаар сарын 26 /МОНЦАМЭ/. 2024 онд улсын санд худалдан авсан “Хөгжмийн зохиолын 2024 оны шилдэг бүтээл”-ийн эздэд батламж гардууллаа.
Уг бүтээлүүд Монгол Улсын Засгийн газрын “Журам батлах тухай” 2023 оны 391 дүгээр тогтоолын нэгдүгээр хавсралтаар батлагдсан “Хөгжмийн зохиолын шилдэг бүтээл шалгаруулах, улсын санд худалдан авах, хадгалах, ашиглах журам”-ын хэрэгжилтийг хангаж буй юм.
Шинэчлэн баталсан журмын дагуу Монголын Хөгжмийн
Зохиолчдын Холбооноос улсын санд худалдан авах шилдэг бүтээлийн шалгаруулалтыг хоёр үе шаттай зохион байгуулж, орон тооны
бус Мэргэжлийн зөвлөлийн санал, дүгнэлтэд үндэслэн Соёл, спорт, аялал жуулчлал,
залуучуудын сайдын 2024 оны А/174 дүгээр тушаалаар баталгаажуулсан байна.
“Хөгжмийн зохиолын 2024 оны шилдэг
бүтээл”-ээр
Хөгжмийн зохиолч Х.Алтангэрэлийн
“FANTASIA” Үндэсний найрал хөгжимд зориулсан уран сэтгэмж;
Монгол Улсын Урлагийн Гавьяат
зүтгэлтэн, хөгжмийн зохиолч Ш.Өлзийбаярын “Арга билиг” Морин хуур, ятгын хослолд зориулсан
концерт;
Хөгжмийн зохиолч Цэн.Эрдэнэбатын “Эх нутаг минь” Морин хуурын найралд зориулсан
концерт;
Төрийн соёрхолт, Монгол Улсын Урлагийн
Гавьяат зүтгэлтэн, хөгжмийн зохиолч Мөнхболдын “Ян-Егийн эгшиглэн” Төгөлдөр хуурын триод зориулсан
бүтээл;
Хөгжмийн зохиолч Т.Мөнхбаатарын “Дөрвөл” Чавхдаст хөгжмийн дөрвөлд зориулсан
бүтээл;
Хөгжмийн зохиолч Э.Бумдарийн “THE BEGINNING OF AN ENDLESS IMAGINATION” Квинтетэд зориулсан бүтээл тус тус шалгарлаа.
