Улаанбаатар, 2025 оны хоёрдугаар сарын 21 /МОНЦАМЭ/. Өнөөдөр болох үйл явдал

09:00 цагт: “Стандартын хэрэгжилт ба эрх зүйн орчин” нэгдсэн хуралдаан Төрийн ордны “Их Монгол” танхимд болно.

10:00 цагт: “Бага насны хүүхдийн хөгжил, боловсрол, судалгаа” Олон улсын эрдэм шинжилгээний хурал дэлхийн шилдэг судлаачид, багш, бодлого боловсруулагчдыг нэг дор цуглуулж, бага нас болон сургуулийн өмнөх боловсролын чиглэлээр шинэ судалгаанууд, бодлогын чиг хандлага, шилдэг туршлагуудыг хэлэлцэх уулзалтыг МУБИС-ийн “А” байранд зохион байгуулна. Утас:99028002, 88037898, 88801964

10:30 цагт: Монгол, Энэтхэг Улс дипломат харилцаа тогтоосны 70 жилийн ойн хүрээнд “Энэтхэгийн соёл, гар урлал”-ын үзэсгэлэнг Г.Занабазарын нэрэмжит Дүрслэх урлагийн музейд нээнэ.  

11:00 цагт: Монголын хөлбөмбөгийн холбооны асуудлаар байгуулсан Түр хороо хэвлэлийн хурал зарлалаа. МХБХ-ны байранд болох хурлаар дүгнэлтээ танилцуулах юм.

11:00 цагт: Монголын Улсын Ерөнхийлөгчийн зарлигийг хэрэгжүүлэх хүрээнд Монголын үндэсний музей, Монголын шатрын холбоо, "Дуут урлан" компанитай хамтран "Эртний монгол шатрын бүтцийн антропологи" эрдэм шинжилгээний хурлыг Монголын үндэсний музейд зохион байгуулна. 

11:00 цагт: ХӨСҮТ-ийн мэдээллийн танхимд Томуу, томуу төст өвчин болон Улаанбурханы нөхцөл байдлын талаар цаг үеийн мэдээлэл өгнө. 

“Зууны мэдээ” сонины мэдээллийн төвд

11:00 цагт: Уул уурхайд ажиллаж буй Хятадын компаниуд олон монгол ажилчдын эрхийг хэрхэн зөрчиж дарамт шахалт үзүүлж,  Монгол Улсын хууль дүрэм журмын стандартыг зөрчдөг талаар баримт дэлгэн Уул уурхайн салбарын ажилчид, уурхайчдын эрхийн төлөө тэмцэгч Б.Ононхангай мэдээлэл хийнэ.

11:30 цагт: “Цагаан дэл” уулаар боомт нээх Засгийн газрын 2014 оны шийдвэр нь хууль бус болох үндэслэлүүдийг нийтэд зарлах болсон тухай Өмнөговь аймгийн иргэд, ТББ-уудаас мэдээлэл хийнэ.

12:00 цагт: “Зөв найзууд” нийгэмд үйлчлэх төрийн байгууллагаас “Сайн хөрш” төслийг Төрийн гурван өндөрлөгт болон Нийслэлийн Засаг даргад өргөн барих тухай мэдээлэл хийнэ.

12:30 цагт: Үндэсний баялгийн сангийн тухай Улс төрийн намууд ба иргэдээс мэдээлэл хийнэ.

13:00 цагт: Гаалийн удирдлагуудын хууль зөрчсөн авлигын үйлдлүүд, төрсөн эгч дүүсийн сүлжээтэй холбоотой асуудлаар Иргэдээс мэдээлэл хийнэ.

Орон нутагт

Өмнөговь аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно.

Увс аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно. Барилдаанд дархан аварга Н.Батсуурь тэргүүтэй бөхчүүд зодоглоно.

Завхан аймагт: Улиастай суманд сар шинийн баярт зориулсан үзэсгэлэн худалдаа болно. Энэ сарын 24-нийг үргэлжлэх үзэсгэлэн худалдаанд аймгийн 24 сум, Говь-Алтай, Ховд, Архангай, Увс аймгийн жижиг дунд үйлдвэрлэгчид оролцоно.

Сэлэнгэ аймагт: Ардын дуу бүжгийн “Сэлэнгийн долгио” чуулга “Элдэв эрдэмт” хэмээх модон могой жилийн сар шинийн баярт зориулсан “Сар шинийн эгшиглэн” ардын дуун цацал уран бүтээлийн тоглолтоо 18.00 цагаас ганцхан удаа тоглоно.