ӨВӨРХАНГАЙ: Аав хүний гэр бүлийнхээ өмнө хүлээх үүрэг хариуцлагыг нэмэгдүүлнэ
ОРОН НУТГИЙН МЭДЭЭ | ӨВӨРХАНГАЙ
Арвайхээр,
2026 оны гуравдугаар сарын 19 /МОНЦАМЭ/. Аймгийн
ХГБХХГ, Эрүүл мэндийн газар,
Арвайхээр сумын ЗДТГ-аас “Амьдралын төлөө аавууд” чуулганыг өнөөдөр зохион
байгууллаа.
Аав хүний хариуцлага, манлайлал, гэр бүлийнхээ өмнө хүлээх үүрэг, хүүхдийн хүмүүжилд үзүүлэх нөлөө зэрэг сэдвийн хүрээнд сургагч багш нар илтгэл тавьж, Эрүүл мэндийн газраас эрэгтэйчүүдийн эрүүл мэндийн өнөөгийн байдал, анхаарах асуудлаар зөвлөгөө, мэдээлэл өглөө.
Өвөрхангай аймагт эрэгтэйчүүдийн дундаж наслалт 70 бөгөөд эмнэлэгт хандах тоон үзүүлэлт эмэгтэйчүүдээс 1.6 дахин бага байна. Тэдний дунд амиа хорлох, осол аваарт өртөх, согтууруулах, мансууруулах зүйлд автах асуудал их байгаа бөгөөд өнгөрсөн онд аймгийн хэмжээнд 576 хүн нас барсны 63 хувь нь эрэгтэйчүүд байна.
