Монголын оюутны спортын VII наадам хөшгөө нээлээ
МОНГОЛЫН МЭДЭЭ | СПОРТ
Улаанбаатар, 2026 оны дөрөвдүгээр сарын 8 /МОНЦАМЭ/. Хоёр жил тутамд зохион байгуулдаг Монголын оюутны спортын VII наадам албан ёсоор хөшгөө нээлээ.
Нээлтийн ёслолд МОСХ-ны ерөнхийлөгч Д.Баясгалан хэлсэн үгэндээ, “Монголын оюутны спортын наадам нь үндэсний болон олон улсын түвшинд оюутны спортыг хөгжүүлэхэд ихээхэн хувь нэмрээ оруулах чухал ач холбогдолтой гэдгийг тэмдэглэе. Уг наадмаас шалгарсан тамирчдыг ирэх онд болох Дэлхийн оюутны спортын өвөл, зуны “Универсиад” наадамд оролцуулах ажлыг бид зохион байгуулна” гэв.
VII наадамд 14 спортын төрөлд 31 их, дээд сургуулийн 2461 тамирчин шигшээ шатанд өрсөлдөж байна. Ирэх сарын 8-нд өндөрлөх тус наадмын гүйлтийн цана, ширээний теннис, таеквондогийн төрлийн медальтнууд тодорчээ.
