Ulaanbaatar
Өмнөговийн ихэнх нутгаар цас орж байна
ОРОН НУТГИЙН МЭДЭЭ | ӨМНӨГОВЬ
Өмнөговь /МОНЦАМЭ/ Өмнөговь аймгийн ихэнх нутгаар цас орж, зарим нутгаар зөөлөн цасан шуурга шуурч байна.
Тус аймгийн УЦУОШТөвөөс мэдээлж байгаагаар Цогт-овоо, Булган, Ханбогд, Мандал-овоо, Ноён сумдад 2.0 мм, Цогтцэций, Баяндалай сумдад 1.0 мм, Даланзадгад, Баян-овоо сумдад 0.9 мм, Гурвантэс суманд 0.7 мм, Манлай, Сэврэй сумдад 0.3 мм, Номгон суманд 0.2 цас оржээ.
Өнгөрч буй өвөл Өмнөговь аймагт цасгүй дулаахан байсан хэдий ч мал усанд цуваж малчдад хүндрэл учруулж байсан юм. Ийнхүү цас орсонд хэд хоногтоо ч мал усанд цувахгүй хэмээн малчид баяртай байна.
Цаг агаарын урьдчилсан мэдээгээр энэ сарын 23-аас хүйтний эрч буурч дулаарах ажээ.
Д.Мишигсүрэн
