Ulaanbaatar
Татвар төлөгчдийн өдрийг 18 дахь жилдээ тэмдэглэн өнгөрүүлэв
ОРОН НУТГИЙН МЭДЭЭ | ТӨВ
Төв /МОНЦАМЭ/. Жил бүрийн тавдугаар сарын хоёр дахь долоо хоногийг Монголын татварын алба “Татвар төлөгчдийн өдөр” болгон тэмдэглэн өнгөрүүлдэг. Энэ жил Төв аймгийн Татварын хэлтсээс “Эх орныхоо хөгжлийг бүтээгч эрхэм татвар төлөгч танд баярлалаа” уриан дор 18 дахь жилдээ тэмдэглэн өнгөрүүлэв.
Улс орныхоо хөгжлийн төлөө гар бие оролцож байгаа “Шилдэг татвар төлөгч”-иддөө энэ өдрөөр шагнаж урамшууллаа. Уг хүндэтгэлийн арга хэмжээнд Төв аймгийн ИТХ-ын дарга Ц.Энхбат, ЗДТГ-ын дарга Ч.Сарангэрэл, Санхүү төрийн сангийн хэлтсийн дарга Ю.Бямбацогт нар оролцов.
Жилд 2.2 тэрбум төгрөгийн татвар төлсөн “Уулс Заамар” ХХК, 0.5 тэрбум төгрөгийн татвар төлсөн “Төв чандмань” ДЭХГ, 2.9 сая төгрөгийн татварыг төлсөн “Усжин” ХХК нар “Улсын шилдэг татвар төлөгч компани”-ар шалгарав.
