Ulaanbaatar
Ашиг хүртэгч жинхэнэ эзэд тун удахгүй ил болно
ОРОН НУТГИЙН МЭДЭЭ | СЭЛЭНГЭ
Сэлэнгэ /Монцамэ/. “Ашиг хүртэгч жинхэнэ эздийн мэдээллийн ил тод байдал, мэдээллийн хариуцлагыг сайжруулахад иргэдийн зөвлөлдөх хэлэлцүүлгийг идэвхижүүлэх” сургалт хэлэлцүүлэг өнөөдөр Сэлэнгэ аймгийн ЗДТГ-т боллоо.
Монгол Улсын нэгдэн орсон Олон Улсын гэрээ, конвенцийн хүрээнд тавигдаж буй шаардлагыг ханган бизнес эрхлэгч аж ахуйн нэгжийн ашиг хүртэгч “жинхэнэ” эздийн мэдээллийн ил тод байдлыг сайжруулахад хэрэгжүүлэх арга замын талаарх ойлголтыг нэмэгдүүлж, хуулийн дагуу ил тод болгосон мэдээлэлд дүн шинжилгээ хийх, хяналт тавих ур чадварыг эзэмшүүлэх зорилго бүхий эл арга хэмжээнд Сэлэнгэ аймгийн төрийн захиргааны болон иргэний нийгэм, хэвлэл мэдээллийн байгууллага, аж ахуйн нэгжийн 20 төлөөлөл оролцлоо. Сургалтаар ашиг хүртэгч гэж хэн бэ. Түүнийг хэрхэн олох. Мөн ашиг хүртэгч эздийг олсон олон улсын туршлага, төрийн байгууллага, аж ахуйн нэгжийн ил тод болгож буй мэдээлэл, цаашдын чиг хандлага, энэхүү эздийн мэдээллийг ил тод болгох хэрэгцээ шаардлага, ач холбогдлын талаар харилцан хэлэлцүүлэг өрнүүлэн явагдлаа. Энэхүү ашиг хүртэгч жинхэнэ эздийг ил тод мэдээллэх үйл ажиллагааг шат дараалалтай хэрэгжүүлснээр 2020 он гэхэд бүрэн мэдээлэх боломж бий болох аж. Ингэж ашиг ологч жинхэнэ эздийг ил тод болгосноор авлига, ашиг сонирхлын зөрчил буурах давуу талтай аж. Эл үйл хэрэгт хэвлэл мэдээллийн байгууллага болоод иргэний нийгмийн гүйцэтгэх үүрэг асар их гэдгийг Хууль тогтоомж, бодлого судалгааны төвийн гүйцэтгэх захирал Д.Тэгшбаяр, Д.Эрдэнэчимэг нар хэлэлцүүлгийн үеэрээ онцолж байв. Эл сэвдээр сургалт хэлэлцүүлэг анх удаа зохион байгуулагдаж байгаа бөгөөд Сэлэнгэ аймгаас гараагаа эхэлж байгаа аж. Иймээс оролцогчдын хувьд энэ нь анхдагч мэдээлэл бөгөөд цаашид баг болж хамтран ажиллаж чадвал энэхүү “жинхэнэ” эздийн мэдээлэл ил тод болох ажил үр дүнгээ өгөх ажээ.
Монгол Улсын нэгдэн орсон Олон Улсын гэрээ, конвенцийн хүрээнд тавигдаж буй шаардлагыг ханган бизнес эрхлэгч аж ахуйн нэгжийн ашиг хүртэгч “жинхэнэ” эздийн мэдээллийн ил тод байдлыг сайжруулахад хэрэгжүүлэх арга замын талаарх ойлголтыг нэмэгдүүлж, хуулийн дагуу ил тод болгосон мэдээлэлд дүн шинжилгээ хийх, хяналт тавих ур чадварыг эзэмшүүлэх зорилго бүхий эл арга хэмжээнд Сэлэнгэ аймгийн төрийн захиргааны болон иргэний нийгэм, хэвлэл мэдээллийн байгууллага, аж ахуйн нэгжийн 20 төлөөлөл оролцлоо. Сургалтаар ашиг хүртэгч гэж хэн бэ. Түүнийг хэрхэн олох. Мөн ашиг хүртэгч эздийг олсон олон улсын туршлага, төрийн байгууллага, аж ахуйн нэгжийн ил тод болгож буй мэдээлэл, цаашдын чиг хандлага, энэхүү эздийн мэдээллийг ил тод болгох хэрэгцээ шаардлага, ач холбогдлын талаар харилцан хэлэлцүүлэг өрнүүлэн явагдлаа. Энэхүү ашиг хүртэгч жинхэнэ эздийг ил тод мэдээллэх үйл ажиллагааг шат дараалалтай хэрэгжүүлснээр 2020 он гэхэд бүрэн мэдээлэх боломж бий болох аж. Ингэж ашиг ологч жинхэнэ эздийг ил тод болгосноор авлига, ашиг сонирхлын зөрчил буурах давуу талтай аж. Эл үйл хэрэгт хэвлэл мэдээллийн байгууллага болоод иргэний нийгмийн гүйцэтгэх үүрэг асар их гэдгийг Хууль тогтоомж, бодлого судалгааны төвийн гүйцэтгэх захирал Д.Тэгшбаяр, Д.Эрдэнэчимэг нар хэлэлцүүлгийн үеэрээ онцолж байв. Эл сэвдээр сургалт хэлэлцүүлэг анх удаа зохион байгуулагдаж байгаа бөгөөд Сэлэнгэ аймгаас гараагаа эхэлж байгаа аж. Иймээс оролцогчдын хувьд энэ нь анхдагч мэдээлэл бөгөөд цаашид баг болж хамтран ажиллаж чадвал энэхүү “жинхэнэ” эздийн мэдээлэл ил тод болох ажил үр дүнгээ өгөх ажээ.
Ч.Отгонцэцэг
